ونبدا علي بركة الله اول حلقات يوميات شاب ملتزم

http://sphotos.ak.fbcdn.net/hphotos-ak-ash2/hs110.ash2/38847_143891305639583_100000561423398_316861_4283230_n.jpg


الحمد لله الذى ربانى وأزال ،،،،،عن قلبى العمى وهدانى





وأغاثنى كرما وثبت حجتى ،،،،وأنا رهين الذنب والنقصانى



ثم الصلاة مع السلام لاحمد ،،،،،خير البرايا من بنى الانسان



والال والصحب الكرام ومن سعى لسبيله من تابعى الاحسان

__________________

( على بوابة الالتزام)



فى احدى شوارع القاهرة تقف عمارة شامخة آيلة الى السقوط كما هو الحال مع كثير من عمارات مصرنا المحروسة
وفى احدى طوابق هذه العمارة تقطن أسرة مصرية بسيطه تتكون من خمسة افراد



اب : موظف عادى فى احدى الشركات
ام : ربة منزل
اخت : عائشة

واخ: بطلنا الهمام ( عبد الرحمن)
واخت صغرى: فاطمة




الساعة الثامنة صباحا




ام عبد الرحمن: قوم ياابنى تعبتنى معاك اول يوم فى الكلية ومش هتروح
عبد الرحمن: حاضر ياماما قايم اهه ربع ساعه بس


ام عبد الرحمن: خلاص براحتك انا زهقت منك تروح ماتروحش انت حر


بعد نصف ساعة............

عبد الرحمن: صباح الخير ياست الكل

ام عبد الرحمن : اهو هو ده الى واخدينه منك روح الكلية بقى مش من اولها كده

عبد الرحمن: حاضر اعتبرينى روحت خلاص



بعد ساعة من اللكاعه نزل من البيت







أنتظر الاتوبيس طويلا وفى النهاية أتى الاتوبيس لكن بعد ان قضى وقتا ممتعا من الافأفة( اف اف)

ركب الاتوبيس وماأكثر الزحام



وبعد مدة انتهت معركة الاتوبيس بالفوز المبين ووصل للكلية







حينما رأى سور الجامعة عادت به الذاكرة الى الوارء شهورا



ياااااااااااااااااااااه


خطى اولى خطواته داخل الجامعة وعلى البوابة....











الحارس: اين الكارنيه؟



عبد الرحمن: انا لسه سنة اولى



الحارس: طيب وياريت تبقى تعمله ماتنمش عليه



دخل عبد الرحمن وهو يقول هو ماله الحارس فى حد مزعله؟

ظل يبحث طويلا عن جدول المحاضرات ليدونه فوجده اخيرا ودونه



هو لايعرف اى احد فى الكلية فالشلة الكريمه بتاعته غالبهم لم ينجحوا الجزء الاخر التحقوا بمعاهد خاصة



وصل الى المدرج وجلس





الساعة الان 11: 30 دقيقة



بدأ الدكتور فى الترحيب بهم وخلاف ذلك مما يتحدث فيه الدكاتره اول يوم

واذن الظهر...........

لم يهتز لاخينا عبد الرحمن طرف(فهو بعد لم يلتزم)



حدثه احد الاخوة بجواره يبدو عليه الالتزام





الن تصلى يااخى؟ضحك):



طيب والمحاضرة؟





هنستأذن ونرجع على طول





امممممممم اصلى مش متوضئ



تعال ننزل ونتوضئ من مسجد الكلية

معلش اتفضل انت عشان ماضيعش المحاضرة

براحتك بس عايز اقلك حاجه النجاح يبدأ من المسجد ربنا يهديك

انتهت المحاضرة وعاد عبد الرحمن للبيت

-------------

الام : اهلا ياعبد الرحمن اخبار الكلية ايه؟



عبد الرحمن : كويسه



الام: مالك فى حاجه ؟



عبد الرحمن : لا عادى هاتيلى اكل


اتغدى صاحبنا ودخل لينام

تقلب على السرير بعض الوقت لانه يشعر انه مخنوق

ولايعرف لماذا هذا الشعور



الح على نفسه بالنوم لعله يستيقظ وقد ذهب عنه الذى يجده فى صدره







استيقظ بعد ساعات ولم يذهب ما به




أقوم احسن اتفرج على التلفزيون



قضى الليل كله امام التلفاز



وقبل الفجر بساعة نام



...............

ولتشتكى يافجر من عبد الرحمن

-----------------------



فى الصباح حان وقت الكلية وحانت ايضا معركة الاستيقاظ



بعد نهاية العراك استيقظ وهو متأفف



ولا يطيق ان يحدثه احد


ذهب للكلية ودخل المدرج ولم يلتفت حوله لانه بعد لم يستيقظ من النوم

نبهه اخ بجواره بقوله : السلام عليكم يااخى انا محمد وانت؟

انا عبد الرحمن

محمد: ماشاء الله اسمك جميل جدا ماتتصورش انا بحب اسم عبد الرحمن اد ايه معناه حلو اوى من الرحمة واحنا محتاجين للرحمة جدا فى الدنيا والاخرة



عبد الرحمن: قد بدى عليه علامات التعجب ولا جواب

محمد : انت مضايق عشان انا بكلمك ولاحاجه





عبد الرحمن : لا انا مضايق لوحدى





محمد: طيب ممكن نبقى اصحاب وتفضفضلى ؟



عبد الرحمن: ممكن نبقى اصحاب



محمد : طيب ممكن تأخد منى الشريط ده عربون صداقة



عبد الرحمن: تخذه منه ولم ينظر حتى فى اسم الشريط" شكرا"


حان وقت صلاة الظهر

محمد: يالا يا بطل ننزل نصلى اكيد لما تصلى هتبقى تمام


عبد الرحمن: هبى تمام ازاى يعنى؟



محمد : ايوه مش ربنا قال ( الابذكر الله تطمئن القلوب ) والصلاة من الذكر يبقى قلبك هينشرح لما تصلى مش انت بتصدق ربنا



عبد الرحمن: ايوه ونعم بالله يالا



ونزلا الى المسجد وعند دخولهم للمسجد وقعت عينه على شئ غرييييييييييييييييييييب جدا هز قلبه قبل ان يهز جوارحه



انتظرونــــــــــــــــــــــــتا غدا بمشيئة الله في الحلقة الثانية ^_^
[img][/img][img]

والله جميلة جدا الله يجزاك الخير
بجد اكمل فانا شغوف بهذا الامر وجزاك الله خيرا فهذا هو بجد حال بعض الطلاب هدانى الله واياهم

بسم الله والحمد لله والصلاة والسلام على رسول الله اما بعد فجزى الله أخانا الجندى الغير مجهول إن شاء الله على نشرة تلك القصة الشيقة وأعتذر عن انشغالى عن أخى وعدم التعليق على القصة للوهلة الأولى وهذا لأسباب فأرجو من أخى أن يسامحنى لكنى إن شاء الله سأقرأ كل مواضيع أخى وأعلق عيها حتى أستفيد منها إن شاء الله وأرجو من أخى مشاركت إخوانه فى تلك المناقشات حتى يستفيد هو أيضا ويفيد إخوانه إن وجد فى كلامهم خلل فإن نيتى والله يا أخى فى هذا المنتدى هو إعداد شباب يدركون حقيقة الصراع مع الإسلام وكيف ينتصر فلذا نلقى الشموس على تلك الأحداث التى تحيطنا حتى نفهم ما يراد لنا وثم نشرع فى الأجهاز على تلك المكائد التى تكاد لنا فلا تحرم نفسك وإخوانك من المشاركة فوالله عن قريب ستجد ما يسرك إن شاء الله ويسر كل المسلمين فى هذا المنتدى والحمد لله رب العالمين

السلام عليكم ورحمة الله وبركاته
شكرا علي ردك اخي وانا لست زعلان بل سعيد اني اضع شئا يفيدك ويفيد اعضاء المنتدي لذا ارجوا منك ومكم الدعاء لي الفترات القادمه لاني والله انا ف حاله لا يرثي لها واعذروني فاني سوف انقطع فتره عن تكملة تتمة الحلقات ولكن اعدكم اني اكملها ان شاء الله وارجو منك يا اخي العزيز ان تدعو لي بالله عليك ف انا الآن احتاج لكل دعاء واحتاج الي يفرج عني ربي الكرب .
والسلام عليكم